SSMB29 : ట్విస్టు ఇచినా జక్కన్న?
సూపర్ స్టార్ మహేష్ బాబు గారితో రాజమౌళి గారి కాంబో గురించి ప్రజలు ఎంత ఆసక్తిగా ఎదురు చూస్తున్నారో చెప్పనక్కరలేదు. ఈ పాన్ వరల్డ్ సినిమా కోసం అభిమానులు ఏదైనా కొత్త సమాచారం కోసం ఎదురు చూస్తున్నారు. ఇప్పటికే స్క్రిప్ట్ పని పూర్తయిందని వినికిడి. మహేష్ బాబు గారు కూడా పాత్రకి తగ్గట్టు పొడవాటి జుట్టు, గడ్డంతో కొత్త లుక్లో కనిపిస్తున్నారు. ఈమధ్య జరిగే కార్యక్రమాలకి ఇదే లుక్తో వస్తున్నారు.
కానీ రాజమౌళి గారు మాత్రం 'SSMB29' గురించి ఏమీ చెప్పడం లేదు. ప్రీప్రొడక్షన్ పనులు జరుగుతున్నాయని, నటీనటుల ఎంపిక జరుగుతోందని అంటున్నారు. ఒకేసారి అన్ని విషయాలు చెప్పాలని రాజమౌళి గారు అనుకుంటున్నట్లు తెలుస్తోంది. వచ్చే ఏడాది షూటింగ్ మొదలు పెట్టొచ్చని అంచనా.
Read Also : 'దావూది వాదీ' పాట లో సైడ్ డాన్సర్లు తెలుస ?
1500 కోట్లకి పైగా బడ్జెట్తో కెఎల్ నారాయణ గారు నిర్మిస్తున్నారు. హాలీవుడ్ నటులను కూడా తీసుకుంటున్నారట. ఇప్పుడు కొత్త వార్త ఏమిటంటే - 'బాహుబలి'లాగానే 'SSMB29'ని కూడా రెండు భాగాలుగా తీయాలని రాజమౌళి గారు అనుకుంటున్నారట. బడ్జెట్, వ్యాపారం దృష్ట్యా ఇలా ఆలోచిస్తున్నారేమో అని అందరూ అనుకుంటున్నారు.
రెండు భాగాలకి కలిపి 1500 కోట్లు ఖర్చవుతుందేమో. రాజమౌళి గారు ఒక సినిమా చేయడానికి ఐదేళ్లు పడుతుంది. రెండు సినిమాలంటే పదేళ్లు పట్టొచ్చని నెటిజన్లు అంటున్నారు. కానీ 'బాహుబలి', 'ఆర్ఆర్ఆర్' అనుభవంతో త్వరగా పూర్తి చేయగలరని మరికొందరు అంటున్నారు.
ఈ వార్తలు నిజమో కాదో మేకర్స్ చెప్పేదాకా తెలియదు. రెండు భాగాలుగా తీసినా రాజమౌళి గారు బాగా ప్లాన్ చేసి విడుదల చేస్తారు కాబట్టి వ్యాపారపరంగా ఎలాంటి ఇబ్బంది ఉండదని నిపుణులు అంటున్నారు. కానీ మహేష్ బాబు గారు మాత్రం చాలా కాలం ఈ ప్రాజెక్ట్కి కట్టుబడి ఉండాల్సి వస్తుందని విశ్లేషకులు అభిప్రాయపడుతున్నారు.
0 Comments