Ram Charan new Poster Released @gullynewstelugu

'గేమ్ ఛేంజర్' కొత్త పోస్టర్

సినిమా ప్రేమికులకి పండగ కానుక లాగా 'గేమ్ ఛేంజర్' నుంచి కొత్త పోస్టర్ వచ్చింది. దీపావళి సందర్భంగా విడుదలైన ఈ పోస్టర్లో రామ్ చరణ్ మాస్ అవతారంలో కనిపించాడు.

సినిమా ప్రేమికులకి పండగ కానుక లాగా 'గేమ్ ఛేంజర్' నుంచి కొత్త పోస్టర్ వచ్చింది. దీపావళి సందర్భంగా విడుదలైన ఈ పోస్టర్లో రామ్ చరణ్ మాస్ అవతారంలో కనిపించాడు. రైలు పట్టాలపై రౌడీలని అడ్డంగా పడుకోబెట్టి, రామ్ చరణ్ వాళ్లకి హెచ్చరిక చేస్తున్నట్లుగా ఉంది ఆ షాట్. 

లుంగీ కట్టుకుని, మాసీగా కనిపిస్తున్న రామ్ చరణ్ లుక్ అభిమానులని ఆకట్టుకుంటోంది. ఇప్పటివరకు వచ్చిన లుక్స్‌లో ఇదే అత్యుత్తమమని చెప్పొచ్చు. గతంలో క్లాస్‌గా కనిపించిన చరణ్‌ని ఈసారి మాస్ అవతారంలో చూపించడంతో, ప్రేక్షకుల అంచనాలు మారిపోయాయి.

శంకర్ దర్శకత్వంలో తెరకెక్కుతున్న ఈ చిత్రంలో మాస్ సన్నివేశాలు ఎక్కువగా ఉంటాయని తెలుస్తోంది. ఆయన తీసే విజువల్స్ అద్భుతంగా ఉంటాయి కాబట్టి, ఈ చిత్రం విజయం సాధించే అవకాశాలు ఎక్కువగా ఉన్నాయి.

'గేమ్ ఛేంజర్'లో ఓ పెద్ద రైలు సన్నివేశం ఉందట. దానికోసం భారీ మొత్తంలో ఖర్చు పెట్టారని తెలుస్తోంది. ఆ సన్నివేశమే సినిమాకి హైలైట్ అవుతుందని అంటున్నారు. దీపావళికి విడుదలైన లుక్ కూడా ఆ రైలు సన్నివేశంలోనిదే.

దీపావళికి పాట వస్తుందని అనుకున్నారు కానీ, ఈ లుక్‌తోనే సరిపెట్టారు. అయినా, ఈ లుక్ చూసిన తర్వాత పాట లేకపోయినా పర్వాలేదనిపిస్తోంది.

నవంబర్ 9న 'గేమ్ ఛేంజర్' టీజర్ వస్తోంది. హీరో పాత్ర ఎలా ఉంటుందో ఈ టీజర్‌లో చూపించే ప్రయత్నం చేస్తున్నారట. చరణ్ వివిధ రకాల లుక్స్‌లో కనిపించబోతున్నాడు. ఆ లుక్స్ అన్నీ టీజర్‌లో చూపిస్తారా లేక ట్రైలర్ వరకు వేచి చూడాలా అనేది తెలియాలి.

టీజర్ విడుదలని పెద్ద ఈవెంట్‌గా చేయబోతున్నారని వినికిడి. ఇది 'గేమ్ ఛేంజర్'కి సంబంధించిన మొదటి ఈవెంట్ కాబట్టి, హైదరాబాద్‌లోనే జరుపుతారని అంటున్నారు.